Um Óskar

Ég er fæddur í Reykjavík árið 1965 og hef haft áhuga á myndlist frá unga aldri. Á árunum 1975–1981 stundaði ég nám við Mynd- og handíðaskóla Íslands og draumurinn var lengi að helga mig myndlistinni. Lífið tók þó aðrar stefnur og önnur hugðarefni, ekki síst ritsmíð sem urðu fyrirferðarmeiri og eru það enn.

Árið 1989 flutti ég til Þýskalands og lauk þar námi í sjóntækjafræði árið 1993. Áhuginn á listinni var þó aldrei langt undan. Ég fann henni meðal annars farveg í hönnun og smíði gleraugnaumgjarða og árið 1994 hélt ég sýningu ásamt Nínu Hlöðversdóttur ljósmyndara á Sólon Íslandus, þar sem við sýndum ljósmyndir af helstu poppstjörnum þess tíma með gleraugu sem ég hannaði.

Síðar lét ég annan gamlan draum rætast og hóf að skrifa. Fyrsta glæpasaga mín, Hilma, kom út árið 2015 og hlaut Blóðdropann sem besta íslenska glæpasaga ársins. Hún var jafnframt tilnefnd sem besta glæpasaga Norðurlanda sama ár. Síðan hafa komið út skáldsögurnar Blóðengill, Boðorðin, Dansarinn og Brúðumeistarinn, og nú vinn ég að sjöttu glæpasögunni.

Myndlistin hefur þó alltaf fylgt mér. Í gegnum tíðina hef ég haldið sjö málverkasýningar. Sú síðasta var í bankahvelfingu Garðatorgi í maí 2026, þar sem öll verkin á sýningunni seldust.